Aqa Hashir sms

Su-e-maikada Na Jate to Kuchh Aur Bat Hoti

su-e-maikada na jate to kuchh aur bat hoti
wo nigah se pilate to kuchh aur bat hoti

go hava-e-gulistan ne mere dil ki laj rakh li
wo naqab Khud uthate to kuch aur bat hoti

ye baja kali ne khil kar kiya gulistan muattar
magar ap muskurate to kuchh aur bat hoti

ye khule khule se gesu, inhen lakh tu sanware
mere hath se sanwarate, to kuch aur bat hoti

go haram ke raste se wo pohanch gaye Khuda tak
teri rahguzar se jate to kuchh aur bat hoti

(No Ratings Yet)

 Loading ...

Tum Aur Fareb Khao Bayan-e-raqib Se

tum aur fareb khao bayan-e-raqib se
tum se to kam gila hai ziyada nasib se

goya tumhari yad hi mera ilaj hai
hota hai pahron zikr tumhara tabib se

barbad-e-dil ka akhri saramaya thi umid
vo bhi to tum ne chhin liya mujh garib se

dhundla chali nigah dam-e-wapasi hai ab
a pas a ke dekh lu tujh ko qarib se

(No Ratings Yet)

 Loading ...