Munir Niazi Poetry Sms
Zinda Rahen to Kya Hai Jo Mar Jayen Ham to Kya
zinda rahen to kya hai jo mar jayen ham to kya
duniya main khamoshi se guzar jayen ham to kya
hasti hi apni kya hai zamane k samne
ek khwab hain jahan main bikhar jayen ham to kya
ab kaun muntazir hai hamare liye wahan
sham a gai hai laut k ghar jayen ham to kya
dil ki khalish to sath rahegi tamam umr
dariya-e-gam k par utar jayen ham to kya
(No Ratings Yet)
Loading ...Us Simt Mujh Ko Yar Ne Jane Nahin Diya
us simt mujh ko yar ne jane nahin diya
ek aur shahar-e-yar main ane nahin diya
kuch aur waqt chahte the k sochen tere liye
tune wo waqt ham ko zamane nahin diya
manzil hai is mahak ki kahan kis chaman main hai
is ka pata safar main hawa ne nahin diya
roka ana ne kawish-e-besud se mujhe
us but ko apna hal sunane nahin diya
hai jis k bad ahad-e-zawal-ashna “Munir”
itna kamal ham ko Khuda ne nahin diya
(No Ratings Yet) Loading ...Us Bewafa Ka Shahar Hai Aur Ham Hain Dosto
us bewafa ka shahar hai aur ham hain dosto
ashk-e-rawan ki nahar hai aur ham hain dosto
sham-e-alam dhali to chali dard ki hawa
raton ka pichla pahar hai aur ham hain dosto
ankhon main ur rahi hai luti mahfilon ki dhul
ibrat bara-e-dahar hai aur ham hain dosto
ye ajnabi si manzilen aur raftagan ki yad
tanhaiyon ka zahar hai aur ham hain dosto
(No Ratings Yet) Loading ...Un Se Nain Milkar Dekho
un se nain milkar dekho
ye dhokha bhi kha kar dekho
duri main kya bhed chipa hai
iski khoj lagakar dekho
kisi akeli sham ki chup main
git purane gakar dekho
aj ki rat bahut kali hai
soch k dip jala kar dekho
jag-jag kar umr kati hai
nind k diwar hilakar dekho
(No Ratings Yet) Loading ...Kabhi Kisi Bam K Kinare
kabhi kisi bam k kinare
ugre huye per k sahare
mujhe mili hain wo mast ankhen
jo dil k patal main utar kar
gaye dinon ki gufa main jhonk
kabhi kisi ajnabi nagar main
kisi akele udas ghar main
parirukhon ki hasin sabhayen
koi bahar-e-gurez payen
kabhi sar-e-rah sar-e-ku
kabhi pas-e-dar kabhi lab-e-ju
mujhe mili hain wahi nigahen
jo ek lamhe ki dosti main
hazar baton ko kahna chahen
(No Ratings Yet) Loading ...Phul the Badal Bhi Tha Aur Wo Hasin Surat Bhi Thi
phul the badal bhi tha aur wo hasin surat bhi thi
dil main lekin aur hi ek shaql ki hasrat bhi thi
jo hawa main ghar banaye kash koi dekhta
dasht main rahte the par tamir ki adat bhi thi
kah gaya main samne us k jo dil ka mudda
kuch to mausam bhi ajab tha kuch meri himmat bhi thi
ajnabi shahron main rahte umr sari kat gai
go zara se fasle par ghar ki har rahat bhi thi
kya qayamat hai “Munir” ab yad bhi ate nahin
wo purane ashna jin se hamain ulfat bhi thi
(No Ratings Yet) Loading ...Wo Din Bhi Ane Wala Hai
wo din bhi ane wala hai
jab teri in kali ankhon main
har jazba mit jayega
tere bal jinhen dekhen to
sawan ki ghanaghor ghatayen
ankhon main lahrati hain
honth rasile
dhyan main lakhon phulon ki
mahkar jagayen
wo din dur nahin jab in par
patjhar ki rut cha jayegi
aur us patjhar k mausam ki
kisi aekli sham ki chup main
gaye dinon ki yad ayegi
jaise koi kisi jangal main
git suhane gata hai
tujh ko pas bulata hai
(No Ratings Yet) Loading ...Lakhon Shaklon K Mele Main Tanha Rahna Mera Kam
lakhon shaklon k mele main tanha rahna mera kam
bhes badal kar dekhte rahna tez hawaon ka kohram
ek taraf awaz ka suraj ek taraf ik gungi sham
ek taraf jismon ki Khushbu ek taraf is ka anjam
ban gaya qatil mere liye to apni hi nazaron ka dam
sab se bara hai nam Khuda ka us k bad hai mera nam
(No Ratings Yet) Loading ...Hawa Ki Awaz
hawa ki awaz
khushk paton ki sarsarahat se bhar gai
rosh-rosh par fatada phulon ne
lakhon nauhe jaga diye hain
sileti shuayen
buland peron par gul machate
siyah kawon ki qafilon se ati hui hain
har ek janib khizan k qasid lapak rahe hain
har ek janib khizan ki awaz gunjati hai
har ek basti kashkash-e-marg-o-zindagi se nidhal hokar
musafiron ko pukarti hai k- ao
mujh ko khizan k bemahar
talKh ehsas se bachao
(No Ratings Yet) Loading ...Khalish-e-hijr-e-dayami Na Gai
khalish-e-hijr-e-dayami na gai
tere rukh se ye berukhi na gai
puchte hain k kya hua dil ko
husn walon ki sadgi na gai
sar se sauda gaya muhabbat ka
dil se par is ki bekali na gai
aur sab ki hikayaten kah din
bat apni kabhi kahi na gai
ham bhi ghar se ‘Munir’ tab nikle
bat apnon ki jab sahi na gai
(No Ratings Yet) Loading ...
