Muzaffar Warsi Poetry Sms
Ab K Barsat Ki Rut Aur Bhi Bharkili Hai
ab k barsat ki rut aur bhi bharkili hai
jism se ag nikalti hai, qaba gili hai
sochta hun k ab anjam-e-safar kya hoga
log bhi kanch k hain, rah bhi pathrili hai
shiddat-e-karb main to hansna karb hai mera
hath hi sakht hain zanjir kahan dhili hai
gard ankhon main sahi dag to chehre pe nahi
lafz dhundhale hain magar fikr to chamkili hai
ghol deta hai samaat main wo mitha lahja
kis ko malum k ye qind bhi zahrili hai
pahle rag-rag se meri khun nichora us ne
ab ye kahata hai k rangat hi meri pili hai
mujhko be-rang hi na karde kahin rang itne
sabz mausam hai, hawa surkh, fiza nili hai
meri parwaz kisi ko nahi bhati to na bhaye
kya karun zehan “Muzaffar” mera jibraili ha
(No Ratings Yet)
Loading ...Kya Bhala Mujhko Parakhne Ka Natija Nikla
kya bhala mujhko parakhne ka natija nikla
zakhm-e-dil ap ki nazron se bhi gehra nikla
torkar dekh liya aina-e-dil tune
teri surat k siwa aur bata kya nikla
tishnagi jam gai pathar ki tarah honton par
dub kar tere dariya main main pyasa nikla
(No Ratings Yet) Loading ...Lab-e-khamosh Se Izhar-e-tamanna Chahe
lab-e-khamosh se izhar-e-tamanna chahe
bat karne ko bhi taswir ka lahja chahe
tu chale sath to ahat bhi na aye apni
darmiyan ham bhi na ho yun tujhe tanha chahe
zahiri ankhon se kya dekh sakega koi
apne baton pe bhi ham fash hona chahe
jism-poshi ko mile chadar-e-aflak hamain
sar chupane k liye wusat-e-sehra chahe
khwab main roye to ehsas ho sairabi ka
ret par soyen magar ankh main dariya chahe
bhent char jaun na main apne hi khair-o-shar ki
khun-e-dil zabt kare zakhm tamasha chahe
zindagi ankh se ojhal ho magar khatm na ho
ek jahan aur pas-e-parda-e-duniya chahe
aj ka din to chalo kat hi gaya jaise bhi kata
ab Khuda-bande se khairiyat-e-farda chahe
aise tairak bhi dekhe hain ‘Muzaffar’ hamne
garq hone k liye bhi jo sahra chahe
(No Ratings Yet) Loading ...Mana K Musht-e-khak Se Barhkar Nahi Hun Main
mana k musht-e-khak se barhkar nahi hun main
lekin hawa k raham-o-karam par nahi hun main
insan hun dharakte huye dil pe hath rakh
yun dubkar na dekh samundar nahi hun main
chehre pe mal raha hun siyahi nasib ki
aina hath main hai sikander nahi hun main
galib teri zamin main likhi to hai gazal
tere kad-e-sukhan k barabar nahi hun main
(No Ratings Yet) Loading ...Meri Taswir Main Rang Aur Kisi Ka to Nahi
meri taswir main rang aur kisi ka to nahi
gher len mujhko sab ak main tamasha to nahi
zindagi tujhse har ik sans pe samajhuta karun
shauq jine ka hai mujhko magar itaa to nahi
ruh ko dard mila dard ko ankhen na mili
tujhko mahsus kiya hai tujhe dekha to nahi
sochte sochte dil dubne lagta hai mera
zahan ki tah main ‘Muzaffar’ koi dariya to nahi
(No Ratings Yet) Loading ...Meri Zindagi Kisi Aur Ki, Mere Nam Ka Koi Aur Hai
meri zindagi kisi aur ki, mere nam ka koi aur hai
mera aks hai sar-e-aina, pase aina koi aur hai
meri dharkanon main hai chap si, ye judai bhi hai milap si
mujhe kya pata, mere dil bata, mere sath kya koi aur hai
na gae dinon ko khabar meri, na sharik-e-hal nazar teri
tere des main, mere bhes main, koi aur tha koi aur hai
wo meri taraf nigran rahe, mera dhyan jane kahan rahe
meri ankh main kai suraten, mujhe chahta koi aur hai
(No Ratings Yet) Loading ...Shola Hun Bharakne Ki Guzarish Nahi Karta
shola hun bharakne ki guzarish nahi karta
sach munh se nikal jata hai koshish nahi karta
girti hui diwar ka hamdard hun lekin
charjte hue suraj ki parastish nahi karta
mathe k pasine ki mahak aye to dekhen
wo khun mere jism main gardish nahi karta
hamdardi-e-ahbab se darta hun ‘Muzaffar’
main zakhm to rakhta hun numaish nahi karta
(No Ratings Yet) Loading ...Zakhm-e-tanhai Main Khushbu-e-hina Kis Ki Thi
zakhm-e-tanhai main khushbu-e-hina kis ki thi
saya diwar pe mera tha sada kis ki thi
uski raftar se lipti rahi meri ankhen
us ne mur kar bhi na dekha k wafa kis ki thi
waqt ki tarah dabe panw ye kaun aya hai
main andhera jise samjha wo qaba kis ki thi
ansuon se hi sahi bhar gaya daman mera
hath to main ne uthaye the dua kis ki thi
meri ahon ki zaban koi samajhta kaise
zindagi itni dukhi mere siwa kis ki thi
ag se dosti us ki thi jala ghar mera
di gai kis ko saza aur khata kis ki thi
main ne binaiyan bo kar bhi andhere kate
kis k bas main thi zamin abr-o-hawa kis ki thi
chor di kis liye tu ne “Muzaffar” duniya
justaju si tujhe har waqt bata kis ki thi
(No Ratings Yet) Loading ...
