Wasi Shah Poetry Sms
Maana k Me Ghareeb HoOn Ye Baat Sach tO Hai Lekin, “WASI”
Maana k Me Ghareeb HoOn Ye Baat Sach tO Hai Lekin,
“WASI”
Tu Agar, Apna Bna Le MujhkO tO- Tere sab Gham khareed Sakta HoOn !
(No Ratings Yet)
Loading ...Bohat Din Ho Gaye Shayad Sahara Kr Lia Us Ne – WASI
Bohat Din Ho Gaye Shayad Sahara Kr Lia Us Ne
Hmaray Baad B Akhir Guzara Kr Lia Us Ne
Hmara Zikr To Us K Labon Par aa Nahin Sakta
Hamen Ehsas Hy Hum Se Kinara Kr Lia Us Ne
Wo Basti Ghair Ki Basti Wo Koocha Ghair Ka Koocha
Suna Hy Ishq B Ab To Dobara Kr Lia Us Ne
Suna Hai Ghair Ki Bahon Ko Wo Apna Ghar Samajhta Hai
Lagta Hai Mera Ye Dukh Gawara Kr Lia Us Ne
Bhula Kr Pyar Ki Qasmen Wo Waday Torh Kr
“Wasi”
Kisi Ko Zindagi Se b Pyara Kr Lia Us Ne..!!
(No Ratings Yet) Loading ...Sitam Mere Dil Pe Wo Yun Dhata raha – Wasi Shah
Wasi Shah
Sitam Mere Dil Pe Wo Yun Dhata raha
Raat Bhar Bewafa Yaad Aata raha,
Na Howa ehsas usay Kisi Ki tarap Ka
Yahan Main Sehra May tanha Hi Chillata raha,
Chahta tha Jisey Main Khud Se B Zyada
Wo Mujhy Dard de de Kr Aazmata raha,
Likhta raha Jisy Apny Jigar K Khon Say Khatt
Pata Chala Wo to Bina Parhy Hi Jalata raha,
“Wasi” Jub us K Lout Aaney Ki Koi Umeed Nhi Baqi
Tu Q Raat bhar Khud Ko Behlata raha.
(No Ratings Yet) Loading ...Dayar-e-gair Mein Kaise Tujhe Sada Dete
dayar-e-gair mein kaise tujhe sada dete
tu mil bhi jata to tujhe ganwa dete
tumhin ne ham ko sunaya na apna dukh warna
dua wo karte k ham asman hila dete
hamein ye zom raha ab k wo pukarenge
unhen ye zid thi k har bar ham sada dete
wo tera gam tha k tasir mere lahje ki
k jis ko hal sunate use rula dete
tumhen bhulna hi awwal to dastaras mein nahin
jo ikhtiyar bhi hota to kya bhula dete
tumhari yad ne koi jawab hi na diya
mere khayal k ansu rahe sada dete
samton ko main ta-umr kosta Syed
wo kuch na kahte magar honth to hila dete
(No Ratings Yet) Loading ...Kash Main Tere Hasin Hath Ka Kangan Hota
kash main tere hasin hath ka kangan hota
tu bare pyar se bare chao se bare arman k sath
apni nazuk si kalai mein charhati mujh ko
aur betabi se furqat k khizan lamhon mein
tu kisi soch mein dubi jo ghumati mujh ko
main tere hath ki khushbu se mahak sa jata
jab kabhi mud mein a kar mujhe chuma karti
tere honthon ki shiddat se main dahak sa jata
rat ko jab bhi tu nindon k safar par jati
marmari hath ka ik takya banaya karti
main tere kan se lag kar kai baten karta
teri zulfon ko tere gal ko chuma karta
jab bhi tu band qaba kholne lagti janan
apni ankhon ko tere husn se khera karta
mujh ko betab sa rakhta teri chahat ka nasha
main teri ruh k gulshan mein mahakta rahta
main tere jism k angan mein khanakta rahta
kuch nahin to yahi benam sa bandhan hota
kash main tere hasin hath ka kangan hota
(No Ratings Yet) Loading ...Tum Meri Ankh K Tewar Na Bhula Paoge
tum meri ankh k tewar na bhula paoge
ankahi bat ko samjhoge to yad aunga
ham ne khushyon ki tarah dukh bhi ikathe dekhe
safah-e-zist ko paltoge to yad aunga
isi andaz mein hote the mukhatib mujh se
khat kisi aur ko likhoge to yad aunga
sard raton k mahkate hue sannaton mein
jab kisi phul ko chumoge to yad aunga
ab tere ashk main honthon se chura leta hun
hath se khud inhen ponchoge to yad aunga
shal pahnayega ab kaun decembar mein tumhen
barishon mein kabhi bhigo ge to yad aunga
aj tum mahfil-e-yaran pe ho magrur bahut
jab kabhi tut k bikhroge to yad aunga
hadse ayenge jiwan mein to tum ho k nidhal
kisi diwar ko thamoge to yad aunga
is mein shamil hai meri bakht ki tariki bhi
tum siyah rang jo pahnoge to yad aunga
(No Ratings Yet) Loading ...Aaj Yun Mausam Ne Dee Jashn-e-muhabbat Ki Khabar
Aaj yun mausam ne dee jashn-e-muhabbat ki khabar
Phoot ker rone lage hain mai muhabbat aur tum
Hum ney joon hi ker liya mehsoos manzil hai qareeb
Raastey khone lage hain mai muhabbat aur tum
Chaand ki kirno ne humko is tarah bosa diya
Devta hone lage hain mai muhabbat aur tum
Aaj phir mehroomiyon ki daastane orh ker
Khak mai sone lage hain mai muhabbat aur tum
Kho gaye andaaz bhi awaz bhi alfaz bhi
Khamshi dhone lage hain mai muhabbat aur tum
(No Ratings Yet) Loading ...Kis Qadar Zulm Dhaya Kertey Ho
Kis qadar zulm dhaya kertey ho
Yeh jo tum bhool jaya kerte ho
Kis ka ab haath rakh ke seene per
Dil ki dhadhkan sunaya kerte ho
Hum jahan chaye peene jate thay
Kia wahan ab bhi aaya kerte ho
Kon hai ab ke jis ke chehre per
Apni palkon ka saaya kerte ho
Kiun mere dil mai rakh nahee dete
Kis liye gham uthaya kerte ho
Phone per geet jo sunate thay
Ab wo kis ko sunaya kerte ho
Akhiri khat mai usney likha tha
Tum mujhe yaad aaya kerte ho
(No Ratings Yet) Loading ...Yeh Kaamyabiyan Izzat Yeh Naam Tum Se Hai
Yeh kaamyabiyan izzat yeh naam tum se hai
Khuda ne jo bhi diya hai maqam tum se hai
Tumhare dam se hain mere lahoo mai khilte gulaab
Mere wujood ka saara nizam tum se hai
Kahan bisaat-e-jahan aur mai kamsin aur nadaan
Yeh meri jeet ka sab ahtemam tum se hai
Jahan jahan hai meri dushmani sabab mai hoon
Jahan jahan hai mera ahteraam tum se hai
(No Ratings Yet) Loading ...Sumandar Mein Uturta Hoon Tu Aankhein Bheeg Jaati Hain
Sumandar mein uturta hoon tu aankhein bheeg jaati hain
Teri aankhon ko parhta hoon tu aankhein bheeg jati hain
Tumhara naam likhney ki ijaazat chin gai jub se
Koi bhi lafz likhta hoon tu aankhein bheeg jati hain
Naa jaaney ho gaya iss qadar hassaas mein kub se
Kissi se baat karta hoon tu aankhein bheeg jati hai
Woh sub guzrey huey lumhaat mujhko yaad atey hain
Tumharey khut jo parhta hoon tu aankhein bheeg jaati hain
Mein saara din buhut masroof rehta hoon magar joonhi !!
Qadam chaukhut pe rakhta hoon tu aankhein bheeg jaati hain
Hazaaron mausumon ki hukmaraani hai merey dil pur
Wasi mein jub bhi hansta hoon tu aankhein bheeg jaati hain
(No Ratings Yet) Loading ...
